Arkivu & Muzeu R T
Divulga
Memória Luta Povu Independénsia
Dili – Arkivu & Muzeu
Rezisténsia Timorense kria hodi prezerva, dignifika no divulga ba memória luta
povu timorense ba ninia independénsia hahu husi tinan 1975 to’0 iha tinan 1999.
Hahu husi tinan 1999 to’o
mai iha tinan 2012 kauze tinan 13 timor
leste hetan indepedensia maibe tuir restaurasaun indepensia timor leste realize iha 20 de maio 2002 no too agora
halo tinan 10 ne’ebé Timor-Leste moris iha demokrasia ida.
Iha vida tinan sanulu mós
iha projektu ne’e mak, liu-liu, Uma
Veteranus Rezisténsia Timorense nian, hamriik ho misaun onra ba memória hirak
ne’ebé mate no fó vida ba sira ne’ebé sei moris.
Iha véspera husi
Restaurasaun Independénsia, ajendada ba 20 Maiu 2002, konsiente katak la eziste
paíz ida livre sein memória, autoridade timorense sira kontaktu ba Fundasaun
Mário Soares, iha Lisboa, hodi bele organiza espozisaun refere kona-ba tinan 24
rezisténsia.
‘’Memória Rezisténsia Povu
Timor-Leste’’ mak primeiru títulu husi espozisaun ne’e, hatudu iha 17 Maiu 2002
iha antigu tribunáL Díli ne’ebé hetan sunu rahun, hala’o komemorasaun ofisiál
ba Restaurasaun Independénsia”,.
Espozisaun iha impaktu
hamutuk ba públiku ne’ebé autoridade Timorense sira deside fó inísiu ida ba
projektu salvaguarda memória rezisténsia nian no husu ba povu atu iha konfiansa
ba AMRT hodi rai halo didi’ak sira nia dokumentus valiozus kona-ba períodu
históriku ne’e. Ho apoiu husi Profesór Doutór José Mattoso, konsege organiza
serimónia entrega dokumentun sira iha
paíz tomak. Aktualmente AMRT rai halo didi’ak serka rihun atus ida dokumentus
no objektus ne’ebé povu timorense haloot ho própria vida no barak mak vale ba
vida familiáres no amigus.
‘’Hafoin husi mate barak,
terus no raan fakar, imi kuidadu didi’ak dokumentus sira ne’e! Ne’e ita nia
raan, ita nia vida.’’
Iha 2005 sai klaru katak
kriasaun Arkivu & Muzeu Rezisténsia Timorense nian ida mak pesa-xave ida
iha konstrusaun identidade nasionál no mak nesesáriu, antes liu, hetan edifísiu
ida hodi sai fatin ba AMRT. Hili monu kona fila fali ba antigu tribunál Díli, ne’ebé hetan sunu rahun iha tinan 1999.
Nesesáriu tebes adapta
edifísiu istóriku ne’e hili sai rai halo didi’ak istória povu Timor-Leste nian,
dezenvolve projektu rehabilitasaun ida no ampliasaun atu bele fó resposta ba
programa funsionál ida ne’ebé adekuadu liu ba aktividades AMRT. Primeira Faze
husi projektu ne’e inaugura iha loron 7 Dezembru 2005, ezaktamente ba tinan 30
hafoin invazaun Indonézia.
Iha tempu naruk projektu
salvaguarda no prezervasaun istórika ne’e koñese dezafiu oioin, husi
investimentu finanseiru duni mak ezije ba projektu dimensaun ida ne’e, maibé
mós husi nesesidade nafatin sensibiliza ba sosiedae sivíl, iha kontestu
nasionál no internasionál, iha faktu katak ne’e mak istória povu timorense no
nune’e atu labele haluha.
Projektu ne’e amplamente
apoiu ba nível finanseiru husi instituisaun portugeza sira ne’ebé serka
milloins rua dólares norte-amerikanus, husi Fundasaun Makau iha 500 mil dólares
no hahú tinan 2008 husi orsamentu Estadu Repúblika Demokrátika Timor-Leste finansia AMRT iha milloins haat no meiu dóllares.
Iha karakterístika nafatin
husi instituisaun ne’e fó, liu husi kumprimentu ninia misaun, servisu ida ba
sosiedade no, iha espesiál, ba jerasaun sira besik mai. Iha tinan sira ikus liu
ba simu vizitantes husi kantu ha’at mundu nian, iha ne’e mai ona ilustres reprezentantes husi
paízes no kuriozidade alunu sira, profesór sira no turista sira.
Timor-Leste mak pioneiru
iha kriasaun Arkivu & Muzeu Rezisténsia Timorense, laiha arkivu ka muzeu
seluk ida iha mundu dedika, iha
eskluzivu, ninia miasaun
misaun ba salvaguarda memória rezisténsia nian.
‘’Resistir é Vencer’’
(Reziste mak manán) mak lema emblemátiku liu husi eróis Timor-Leste nian, mak
ho orgullu katak paíz investe iha
prezervasaun husi ninia
istória.
Arkivu & Muzeu
Rezisténsia Timorense inaugura iha 20 Maiu 2012 iha ámbitu komemorasaun ba
aniversáriu tinan 10 Restaurasaun Independénsia ne’ebe inagura direitamentu
husi Presidente Foun Taur Mata Ruak no
hetan prezensa mos husi Presidente Portugal
,Premeiru ministru RDTL ,Presidente
husi Partisidos Politikus sira nomos
konvida sira besik ema atus 2 resin .
Tuir historia katak Antigu Tribunál Díli mak edifísiu istóriku
sira ida husi maiór relevánsia no kualidade arkitektónika ne’ebé administrasaun
koloniál portugeza harii iha Timor-Leste. Ho intensaun prezerva patrimóniu
arkitektóniku paíz nian, konsidera esensiál reabilita ba edifísiu akordu ho
ninia magnífika trasa originál, devolve ba sidade edifísiu emblemátiku ida no
aposta iha projektu ampliasaun ida ne’ebé hili ba liña arkitektónika
kontemporánea no akordu ho nesesidade sira husi Arkivu & Muzeu Rezisténsia
Timorense.
AMRT deseju katak edifísiu foun sai referénsia ida ba nível
arkitektura no kualidade espasu iha sidade Díli no transforma iha pólu
atraksaun ba jovén sira no públiku iha jerál. Nune’e sei kontribui ba programa aktividades nian no dinamizasaun
kulturál AMRT nian ho espesiál relevu ba istória Rezisténsia Timor-Leste nian.
Iha sala leitura vizitante sira bele iha asesu ba internet no ba
arkivu dijitál AMRT nian. Iha sala ida
rezerva ba espozisaun permanente no sala seluk ida ba espozisaun karákter
temporáriu nian, edifísiu sei kontempla auditóriu ida kompletamente ekipadu ho
sistema son no vídeo no sei iha área ida tan preparada ba tradusaun simultánea.
Sei prevista kafetaria no livraria ida ne’ebé públiku bele disfruta espasu
multifunsionál ida, adekua ba deskansu no lokál enkontru privilejiadu ida entre
istória no kultura.
Tuir Karta
prinsipais ne’e katak Projetu hodi salvaguarda Memória Histórika
Desenvolvimentu, Cultura nó Paz nian , Arkivu no Muzeu Resistensia Timor nian, harí iha tinan
2005, hanesan entidade espesial no vokasionada ba preservasaun memoria riku
soin históriku nasional nó hodi divulga valores Luta Resistensia Povo Timor- Leste
nian, espesial liu ba jovens sira.
Ba ida né AMRT kaer knar núdar protagonista kultural
hodi realiza, promove nó hala’o asaun hó natureza kultural , sientifika nó
edukativa sira nebe relasiona bá preservasaun nó divulgasaun Memória Luta
Resistensia Povo Timor-Leste nian, rekonhesimentu nó valorizasaun social
veteranus sira nian, konsolidasaun ba identidade nasional, história
kontemporanea Timor-Leste nian nomós hodi promove paz nó respeito bá Direitus Humanus.
Hó objetivus sira né, maka AMRT hanoin atu konsolida
nia asaun principal
hanesan tuir mai né:
- Organiza instalasaun foun AMRT nian iha
enkuadramentu ida nebe bele garante nia utilizasaun ba ema visitantes,
Veteranus, Jovens, Investigadores nó ba publiku tomak;
- Promove nó apoia inisiativas neebe kontribui ba
preservasaun nó divulgasaun Memória Resistensia iha Rai Laran nó Rai Liur;
- Assegura funsionamento servisu edukativo ida nebe
bele permite lori ba eskola, liu-liu ba professor nó estudante sira bele hetan
konhesimentu nó bele utilize dokumentus nó material sira nebe AMRT organiza;
- Fó apoio tekniku ba asaun sira neebe presisa hodi
hala’o presrvasaun nó valorizasaun bá fatin nó abrigo sira nebe iha signifikadu
bót ba Luta Libertasaun Nasional nian;
- Kontinua halo rekolha nó halo tratamentu bá
dokumentu husi Organizasaun Resistensia hotu-hotu nian, hodi fó oportunidade bá
ema hotu bele halo konsulta;
- Organiza nó rekolha história oral Combatentes
Libertasaun Nasional sira hotu nian, tuir kritério história nó siensia nian;
- Exekuta nó partisipa iha projetu formasaun nó
investigasaun ba area sira nebe relasionado , promove liu-liu asaun estudo nó
debate konaba história kontemporanea Timor-Leste nian.;
- Realiza, promove ka fó apoio ba atividade
editorial orientada hodi kumpre plano nó programa hotu nebe estabelese tiha
ona;
- Kria premiu ka fó bolsa estudo tuir programa sira
nebe estabelese ona nó mós tuir kapasidade orsamentu nebe iha;
- Desenvolve liu tan projetu divulgasaun Memória
Resistensia nó atividade AMRT nian iha Internet;
- Estimula koperasaun kultural, edukativa nó
cientifica hó komunidade CPLP nó nasaun vizinho sira;
- Estabelese parseria sira nebe bele fó dalan ba
hodi desenvolve plano nó programa sira hotu.
Atu halao atividade sira né hotu, tenki reforsa hó
forma konsistente artikulasaun AMRT nian hó instituisaun estado sira nebe
responsavel bá asuntus veteranus nian, bá edukasaun nó kultura nó mós bá
turismo nian.
Nuné mós, tenki hametin kolaborasaun ida ke diak hó
ita nia universidade nasional sira nomós hó universidade rai liur nian.
Bá intensaun sira né hotu, AMRT hakarak assume
autonomia organizativa nó cientifika ida nebe laiha deskriminasaun nó nakloke
bá kontribuisaun hotu-hotu, nasional ka internasional, hodi nuné bele kumpre
duni ninia objetivu sira hotu.
Depois hetan rehabilitasaun no hetan inagurasaun iha loron 20 maio tinan ne’e
sai premeiru lugar hodi loke ba
publiku lansa kedas ho livru historia
kona ba Luta nain Mino Koniz Santana nia
oluta durante ne’e iha tempu Indonesia .
Husi lansamentu livru ne’e
mos ema barak sai simpatia makas ba livru refere no konsege
partisipante barak mak sosa kada livru
ida ho folin $20 no balun ho falin
$100 ne’e hanesan kontribuisan ba iha museu refere.
Iha lansamentu ne’e
partisipa husi Membru governu nomos President Taur matan Ruak nomos president Portugal rasik .
