DEZENVOLVIMENTU AMBIENTAL BA PROTESAUN SAÚDE

DEZENVOLVIMENTU AMBIENTAL BA PROTESAUN SAÚDE

DEZENVOLVIMENTU AMBIENTAL BA PROTESAUN SAÚDE

2.1    DEZENVOLVIMENTU .

2.1.1    Defenisaun.

Dezenvolvimentu ne’e hanesan reabilita ka tuir lian melayu ne’e hanesan “perkembangan, pembangunan” katak halo buat ida ne’ebé fó valor positivu ba saida mak ita atu hala’o ka hadia.

Termu dezenvolvimentu,tuir istoria, nu’udar termu komum ne’ebé sosiedade sira assosia ho progressu, dezenvolvimentu iha konotasaun positivu tamba relasiona ho esforsu ka prosesu atu “hakat husi buat ne’ebé seidauk dezenvolvidu ba dezenvolvimentu atu sai dezenvolvidu”.

Maski nune’e termu dezenvolvimentu la hetan fatin-metin iha vida-sosil povu ho nasaun bara, antes da revolusaun  industrial iha Inglaterra mosu iha sékulu 18 ho 19 liu ba.

Altura ne’e nasaun sira sei moris hela ho hanoin primitivu ka hahi’i de’it istoria boot kona-ba sivilizasaun ne’ebé hahu kedas husi Egiptu husi tempu Faró sira nian ba to’o China, ne’ebé subliña de’it avansu kulturasivilizasaun. Maibé revolusaun industrian iha Inglaterra ne’e hamoris fila-fali lia-fuan dezenvolvimentu no fó hikas espíritu foun ba ema idak-idak ho nasaun sira atu dezenvolve sira nia an.

Maibé estadu dezenvolvimentu so bele existe bainhira klima dame ho hakmatek permanese. Situasaun dame ho trankulidade ne’e ema traduz nu’udar situasaun ne’ebé demonstra paz(estabilidade) ho prograssu.

Timor-Leste la bele sai imúno ba klalaok mundu  nian. Hafoin tinan 450 kolonizasaun Portuguesa,25 anos,okupasaun Indonezia no konflitu interno ne’ebé klasifika nu’udarguerra sivil (1974-1975), ita hetan governu

libertasaun iha 1999. Iha tinan 6 dahuluk (1999-2006) husi faze tranzisaun tama ba faze Indepensia, ita la konsege ses-an husi konflitu ho instabilidade. Maske governu tempu ne’ebá esforsa-an atu hahu dezenvolvimentu iha seitor oi-oin, sira la konsege.konflitu iha 2006 mosu nu’udar klimax ba instabilidade prolongada ida, ne’ebé mai husi prosesu ida instavel,ne’ebé karakteriza estadu ne’e nu’udar estadu ida kuaze paralizadu, maske síniku barak iha mundu hanoin katak ita monu ba estadu failladu ona.

Felizmente, maske krize maka’as,ho tulun  husi nasun vijiñus nian ka komunidade Internasional, ita nia estadu nia orgaun de soberania sira moris nafatin, maske ho susar.dezenvolvimentu la la’o, no tuir matenek nain sira,ita nia kresimentu ekonomia monu ba negativu iha 2006.

Konsekoensia ne’ebé halo ita hotu hanoin hikas fali, aproximasaun saida mak ita bele uza iha garante dezenvolvimentu bele la’o no iha sustentabilidade efektivu;katak,atu iha Dezenvolvimentu.no balun mós katak nune’e “karik la iha dezenvolvimentu sei la iha estabilidade”

Ne’e los duni tamba termus estabilidade ho dezenvolvimentu fila ba mai hanesan de’it nu’udar manu-inan ho manu-tolun,ita la hatene ida ne’ebé mak uluk,maibe sira nain rua prezisa malu hodi bele hamosu progresu. Ha’u hakarak konvida ita atu hare’e buat ne’e husi aspektu DEZENVOLVIMENTU uluk.

Iha tinan 2007,governu ida ne’e simu todan mai husi guvernu ida uluk ho moras oi-oin. Aleinde problema seguransa, estagnasaun ekonomia no difikuldade atu bele eleva kresimentu uma-kain idak-idak nian kontribui maka’as ba destabilidade. Forsas polisias ho militaria ne’ebé foun no la iha profesionalismu sufisiente estraga tiha nasaun nia imagen internasionalmente. Guvernu uluk husik hela trajédia polítika military boot ida ne’ebé resulta iha Timor-oan balun lakon nia vida.

Infelizmente, tragédia ida ne’e mosu iha âmbitu indepedensia nian. Goernu ida ne’e foin mak eleitu atu kaer no gere governu. Depois de tinan atu tama ba tinan tolu, ita hare governu ne’e nia planu atinje ona buat hirak tuir mai ne’e:  

                       ·          Primeiru ano:

o   Resolve krize poliitiku-militar

o   Resolve problema matebian maijor Alfredo ho nia grupo.

                    ·          Segundu ano:

o   Komesa hare husi subsidiu ba veteranus, feto faluk no terseira idade sira. Governu ida ne’e tenta atu hasoru programa atu bele salvaguardai estabilidade ekonomika.

                    ·          Terseiru ano:

o   Iha tinan ida ne’e ba oin, ita espera atu reforsa dezenvolvimentu atu hadia ka kompleta tiha area oin-oin ne’ebé ita iha ba infrai-estrutura(Estrada rurais, elektrisidade, no bé mós), kresimentu ekonomiku, no kapital umanu(bolsas de estudus) sai nu’udar propriedade iha tinan 2009 ne’e.

2.1.2    Presiza Estabilidade.

Estabilidade, konseitu ida alargadu ne’ebé akomoda buat barak. Komesa husi estabilidade rai-laran no oinsa ita hasoru ameiasa ne’ebé mai husi rai-liur hodi fó proesaun ba interese boot(politika no ekonomia)nasaun nian atu bele dezenvolve vidanasaun nian.

Objetivu estabilidade nian tenki lao tuir politika seguransa nasional tamba iha objetivu hodi kria ambiante ida ne’ebé hakmatek no kondisivu hodi bele fó moris di’ak ba sidadaun tomak hodi sir abele buka servisu di’ak ba dezenvolvimentu nasaun nian.

Ho situasaun ita nia nasaun nu’udar país ki’ik no kiak,  Timor infrenta problemas estabilidade ne’ebé karakteroizadu iha buat balun tuir mai ne’e:

v  Nu’udar país pos-konflitu, ita la bele nega katak, mentalidade laos kultura kona-ba impaktu violensia mak ita infrenta iha tinan hirak liu ba, kontinua influensia ita nia hahalok, klalaok, hanoin, no maneira ita nia moris iha sosiedade. Atitude sosial ne’ebé ho tendensia ba violensia sei lakon maibé la’os lala’is.

v  Ita nia strutura sosial ne’ebé forma ho strutura polítika ne’ebé hari’i hodi enfrenta kolonialismu iha tinan kotuk liu ba, kontinua existe. Maske forma oin seluk, sira kontinua existe ho karakteristikus rezistensia nian, no la’os fasil atu muda iha de’it tinan balun depois indepedensia.

v Ema barak maka terus no mate, no sira nia familia lakon iha tempu da rezistensia. Memoria ida uluk nian kontinua moris. Estudu foun iha indepedensia nian tenke mós haré problemas uluk ho seriu (kazu veteranus, idosos,ho sst),tamba iha potensia atu sai fali fator destrutivu se la kaer didiak.

v Ita iha rendimentu ekonomiku sei ki’ik, no depende barak liu ba mina, enkuantu seitor seluk seidauk dezenvolve no atu kontribui maka’as ba rendimentu nasaun nian.

v Ema barak sei kiak, servisu la iha no rendimentu sustentavel laiha.

v Problema professionalismu forsa seguransa nian mós sei questiandohela.

Atu haré buat sira iha leten, ita bele dehan, presiza aproximasaun ida integradu ho ekilibradu. Integradu katak ita presiza hare seitor hotu-hotu ne’ebé iha potensia atu destabiliza hanesan faktos ne’ebé relasionadus, no solusaun tenke buka ho aproximasaun komprensivu no hamutuk. Ekilibradu ita tenke trata seitor sira ne’e hanesan no tau sira hotu-hotu hanesan proridade no la’os atu fó antensaun ba seitor ida ka balun, no haluha tiha sira seluk.

Iha aspektu estabilidade sosial umanu, ita presiza hadia ita nia ekonomia (eleva produksaun, muda husi sistema subsistense farming ba faze industrial),hadia moris ema ida-idak nian, isin-di’ak, fasilita asessu ba justisa no hadia ekonomia atu bele eleva rendimentu perkapita no moris-di’ak uma-kain nian. Ita mós presiza hadia servisus delivery iha parte guvernu nian para bele garante asessu abrangido publiku nian ba atendimentu estadu nian no fó remunerasaun adekuadu tuir  kualifikasaun ema ida-idak nian.

Tamba ne’e estabilidade “abrange” ba aspektu fundamental hotu ne’ebé luan atu defende interese nasional estudu nian. Tuir artigu 6 Konstituisaun da Repúblika objetivu fundamental estadu nian ne’ebé hakerek iha artigu 6 Konstituisaun da repúblika; atu:

Ø  Garante nasaun nia soberania.

Ø  Garante no promove sidadaun nia liberdade fundamnetal,no respeita ba estadu nia prinsipiu konaba direitu.

Ø  Defende no garante demokrasia politika no partisipasaun nian kona-ba rezolusaun problema nasional sira.

Ø  Garante dezenvolvimentu ekonomia, ba progressu siénsia no téknika.

Ø  Proteje didiak meiu-ambiante no bali nafatin riku-soin rai nian.

Ø  Hakatak no haloko povu timor oan nia personalidade no nia kultura

Ø  Hari’i no haburas relasaun di’ak ho kooperasaun entre povu no estudante.

Ø  Hamoris, promove no garante biban no let ne’ebé hanesan feto no mane.

2.1.3    Presiza Boa Governasaun.

Tansa ita tenke koalia ka presiza boa govenasaun. Razaun lojika liu maka tamba ita hotu hakarak estuda nia rekursu no lalaok tomak uza no fasilita di’ak duni dezenvolvimentu ba povu nia moris di’ak.

Koalia boa governasaun la’os tamba ita sai membru instituisaun finanseiru internasional sira hanesan banku Mundial, ADB, ka IMF. Koalia boa governasaun la’os  mós tamba Timor-Leste ratifika tiha ona konvensaun internasional anti korupsaun ka konvensaun direitus internasional sira seluk.

Tamba ita hakarak duni iha governasaun di’ak ba rekursu no lala’ok tomak iha nasaun ne’e. Ita fó importansia boa governasaun tamba ita hotu hakarak ita nia orgaun estaun tomak hala’o sira nia funsaun no servisu di’ak ba hasa’e povu nia kualidade moris liu husi programa dezenvolvimentu.

Entaun ita ko’alia boa goveransaun tamba ita hotu ka tamba timor leste iha objetivu ruma ne’ebé ita tenke luta atu alkansa. No boa governasaun tenke hare’e nu’udar politika, instrumentu, metoogia, asaun no lala’ok ne’ebé ita presiza no  ne’ebé ita tenke hala’o ita hodi ita bele alkansa ita nia objetivu komum sira iha nasaun ida ne’e.

Objetivu sira ne’e mesak di’ak no importante tebes maibé nia valor la siknifikasaun sei la iha wainhira sai de’it relatorio iha konstituisaun laran. Ne’e siknifika tenke realiza iha prátika. Koalia ba realizasaun objetivu sira ne’e sei lori ita koalia sobre asuntu importante hirak hanesan se maka responsabiliza atu realiza, mekanismu no sistema realizasaun sira oin sa,saida maka presiza atu fasilita realizasaun refere, no bainhira maka tenke hetan rezultadu ba objetivu sira ne’e.

Jeralmente kada sidadaun Timor Leste iha responsabilidade atu kontribui ideias no asaun ruma hodi realiza objetivu sira ne’e. Nune’e mos organizasaun mundial sira,liuliu ONU ho nia ajensia tomak mos iha responsabilidade atu ajuda realizasaun refere. Maibe husi aspeitu legal no politika nasional nian,no husi aspeitu administrasaun publika iha nasaun laran,orgaun soberania ka orgaun estadu sira mak iha responsabilidade as no mos ba razaun ne’e laos bazeia de’it ba lei ka konstituisaun,maibe bazeia mos ba razaun moral katak povu harii nasaun no hili no fo kbi’it orgaun estadu sira hodi halao servisu ba povu.

Tamba orgaun estadu  sira hanesan governu,parlamentu, no orgaun judusiariu sira iha responsabilidade boot no aas atu realiza objetivu sira ne’e,entaun iha biban ida ne’e ita sei koalia barak duni sobre responsabilidade orgaun estadu nian ba realizasaun abjetivu sira ne’e hodi liga ba asuntu boa governasaun no povu nia aksesu ba dezenvolvimentu,tuir titlu ne’ebé hakarek iha leten.

Simplesmentu bainhira koalia orgaun estadu nia responsabilidade ita sei koalia kona-ba oin sa orgaun soberanu ida-idak nia funsaun no papel no ionsa halao sira nia funsaun no papel refere, hahu husi funsaun no papel lejislativu ka halo lei no aprova politika no programa dezenvolvimentu sira (orgaun soberanu parlamentu nasionala), funsaun no papel ezekusaun ka implementasaun ba lei no programa dezenvolvimentu sira (orgaun soberanu governu), no funsaun no papel tau matan no garante legalidade no justifikasaun ba ezekusaun lei no programa dezenvolvimentu sira tuir duni lei haruka (instituisaun judisariu).

2.1.4. Defenisaun no Kriteria Boa Governasaun

Husi livru oi-oin no husi internet ita hetan referensia lubuk sobre definisaun boa governasaun.

Definisaun balun indika ba governu nia serbisu de’it no balun hare husi aspeitu spesifiku sira de’it hodi liga ba demokrasia,transparansia,efektividade no efesiensia serbisu husi governu.

Definisaun seluk hare’e liu ba aspeitu serbisu borukrasia estadu no seluk hare’e liu ba implementasaun lei. Definisaun husi aspeitu saida mak kada matenek nain sira tau matan ba hodi liga no hamosu kada definisaun sobre boa governasaun.

Maibe husi definisaun sira ne’e ita bele konkliu kata Boa Governasaun labele hare’e aspeitu klot de’it hanesan governu ka burokrasia nia serbisu sira de’it, naibe tenke hare’e luan deskobre orgaun estadu tomak nia funsaun no papel no sistema governasaun siknifika oinsa orgaun estadu sira iha nasaun ida hala’o diak sira nia funsaun no papel promove,hakbi’it,no proteze povu tomak no sidadaun ida-idak nia moris diak husi aspeitu hotu-hotu,aspeitu fisiku ka isin nomos aspeitu klamar ka espiritual.

Katak oinsa kada orgaun soberanu estadu tomak halao diak sira funsaun no papel governa didiak politika no lalaok orgaun estadu no programa dezenvolvimentu sira, no promove no garante partisipasaun masimu povu ba prosesu tomak husi dezenvolvimentu,ezekusaun programa dezenvolvimentu,no aproveitamentu masimu no hanesan povu ka kada sidadaun ba dezenvolvimentu nia benefisiu iha nasaun ida nia laran.

Partisipasaun no aproveitamentu hanesa iha keontestu ne’e fokus maka’as mos ba aspeitu partisipasaun no aproveitementu hanesa husi no ba feto no mane,nomos husi no ba sidadaun sira ne’ebé hela iha area urbanu no sira ne’ebé hela iha area rurais ne’ebé dala barak hasoru obstaklu no dezafiu barak liu duke sira ne’ebé hala iha area urbanu.

Halao diak funsaun no papel governasaun signifika ka adopta ruma ne’ebé universa; no tau aas prinsipiu umanidade sira hanesan prinsipiu direitus umanus,prinsipiu igualdade direitu feto no mane,prinsipiu non, prinsipiu non diskriminasaun,prinsipiu efisiensia,prinsipiu demokrasia substantivu (laos demokrasia prosedural de’it)no partisipasaun povu,prinsipiu efektividade, tranparansia, akuntabilidade,prinsipiu kumpri lei,no prinsipiu seluk tan ne’ebé universal,razoavel no mos aplikavel. Labele retorika de’it maibe nunka implementa.

Kriteria hirak ne’e maka sai sasukat hodi sukat nasaun ida hala’o ona polítika nopratíka governasaun di’ak ka boa governasaun ka la’e. Nasaun ne’e hala’o ona boa governasaun bainhira nasaun ne’e hala’o nia governasaun kumpri duni ona kriteria ne’e. Pelo contrario la iha boa governasaun bainhira la kumpri kriteria hirak ne’e.

Boa governasaun kobre komponente inportanre hirak hanesan politíka ka lei nu’udar baziku, sistema no mekanismu implementasaun no evolusaun, instituisaun bá implementasaun, rekursu umanu atu hala’o, nofasilidade orsamentu. Ho lian seluk katak boa governasaun la’o bainhira iha lei nu’udar nia bazíku, iha sistema no mekanismu ba nia implementasauan, iha instituisaun no rekursu umanu, no iha fasilidade no orsamentu atu finansia.

Ikus liu mak ita tenke esforsu maka’as no fó sanksaun klaru ba sira ne’ebé viola prinsipiu boa governasaun. Tantu sanksaun legal no mós sanksaun politíka no administrativu. Kompente sira ne’e la iha boa governasaun mós sei la akontese tamba governasaun iha nasaun laran sei la’o depende ba ukun nain sira nia interesee no sira nia hakarak. Kuandu la’o tuir ida ne’e korupsaun fasil akontese no povu sei dokliu tan husi prosesuu dezenvolvimentu tomak.

2.1.5     Boa Governasaun iha Timor Leste.

Husi parte ida ita mós rekuñese timor leste nu’udar nasaun foun ho tinan sei nurak hela. Sura husi UNTAET(Unitet Nation Transmission In East Timor) transfere poder ba governu timor leste iha 20de maiu de 2002, to’o tinan 2011 ne’e timor leste foin halo tinan sia(9). Ho tinan ne’ebé sei nurak, konserteza ita la hakfodak timor leste nia kondisaun sei hasoru  menus ba buat barak, tan ne’e susar atu kompara kondisaun riil timor leste ho nasaun seluk ne’ebé ukaun an tinan 20 ka 30 ba leten.

Tantu husi aspeitu rekursu umanu, instituisaun estudu no mós esperensia lidera no governu nasaun ne’e. Tamba ne’e dala ida tan la justu bainhira ita uza nasaun moris kleur sira nia progresu no esperensia hodi sukat ka kompara fali ba saida mak akontese iha timor leste. Maibé iha parte ita móstenke brani atu dehan katak durante tinan sia(9) nia laran timor mós tenke halo ona buat balun. Pelu menus buat sira báziku ne’e hahu hala’o dadauk. Labele justifika bebeik buat barak la la’o tamba de’it foin ukun an tinan 9.

Ligadu ba asuntu boa governasaun, maske seidauk hatudu nia rezultadu ruma maibé inisiativa no polítika hari’i komisaun anti korupsaun iha tinan 2009 ka 2008 kotuk bele haré hanesaun izenplu konkretu husi timor leste nia komitmentu halo boa governasaun.

Ita hotu hatene maka moras sosial polítika no moras ekonomiku boot liu b anasaun tomak nia modernu,liu-liu iha nasaun terseiru mundu sira. Korupsaun maka lala’ok halakon nasaun no povu nia riku-soin barak, ne’e tuir lolos bele uza bá dezenvilvimentu povu nia moris di’ak maibe tama fali ba ukun nain sira nia bolsu. Nune’e mós bá asuntu jestaun osan husi mina-rai tasi timor, nasaun barak rekuñese timor leste nia sistema no mekanismu jestaun uzus ba osan refere di’ak liu fali nasaun lubuk iha mundu.

Nu’udar nasaun foun maibe timor leste iha no bele ona halo buat balun ne’ebé avansa liu fali nasaun, kleur sira hatudu timor leste bele no iha duni,halo duni kbi’it halo buat ruma ba hamoris no reforsa governasaun di’ak ka boa governasaun.

Mudansa bá sistema rekrumentu funsionariu governu husi kada ministeriu ne’ebé dezkonfia nakonu ho kolusaun, nepotismu bá fali konsentra iha instituisaun funsaun públiku hatudu mós faktu avansu seluk iha aspeitu boa governasaun.

Durante tinan 9 nia laran, ita foin asiste mais ou menus iha ukun nain,nain rua(2) mak hatudu sira nia vontade kolabora  ho instituisaun judisiaria marka sira nia prezensa iha tribunal bá sira nia kazu. Ne’e akontese bá kazu akuzasaun korupsaun hasoru visi Primeiru Ministru José Luis Guteres no Ministru Negosiu Estranjeiru Zakarias Albanu.

Ikus ne’e iha mós faktu hatudu ukun nain sira hahu’u ladun  hakarak kumpri lei hanesan akontese bá governu nia politíka uza osan husi mina-rai liu tiha putsentu 3 ne’ebé reggula iha lei sobre asuntu ne’e hatudu mós obstaklu boot seluk bá boa governasaun iha timor leste.

Sira mak ne’e izemplu balun de’it sobre obstaklu no defisaun boot sira bá politíka no partika boa governasaun iha timor leste. Husi faktu sira ne’e hotu, ita bele tau kazu korupsaun,subornu no abuza poder nu’udar obstaklu boot liu bá esforsu estabelese politíka no pratika boa governasaun iha timor leste.

2.2        AMBIENTAL.

2.2.1   Defenisaun

Ambiental ne’e hanesan sumber daya ne’ebé importante bá ita  ne’ebé moris iha mundu ne’e, ema no animal sira seluk. Ambiental fó buat barak mai ita, atu ita uza bá ita nia nesesidade ne’ebé ita presiza bá ita nia moris loron-loron.

Meiu-ambiente ne’e mak hanesan ai-horis sira, natureza sira ne’ebé moris iha mundu ne’e.tamba ambiental ne’e importante bá ita, ita presiza atu  kuidadu ambiental. Mak hanesan:

·         Keta tesi Ai arbiru.

·         Keta sunu rai arbiru.

·         Kuda Ai-oan iha rai molik sira.

·         Keta so’e foer arbiru.

·         Hamos baleta .no sst...

Se ita halo tuir kriteria iha leten ona, mak ambiente mós  fó mai ita buat di’ak sira ka impaktu positivu, mak hanesan:

·         Ar ne’ebé fresku.

·         Fó Ai bá ita atu halo uma.

·         Udan tau rai sei la monu.

·         La kria susuk,no la fó moras .

·         La halo be sa’e (banjir) no.

·         Ambiental sai mos no furak.

Impaktu negativu ne’ebé ambiente fó bá ita se ita la halo tuir kriteria iha leten, mak hanesan:

·         Rai manas .

·         Ar foer.

·         Rai monu bainhira tempu udan.

·         Udan la mai ka la udan iha tempu udan.

·         Be sa’e (banjir).

·         Kria moras.

·         Ambiente sai foer no iis.

2.2.2   Prekupasaun Ambiental.

Eleisaun besik ona. Povu timor leste besik atu hetan presidente foun. Oras ne’e hein de’it oinsa atu partidu politíku ne’ebé assentes iha parlamentu, husi ida ne’ebé hetan votus oituan to’o ida ne’ebé hetan votus barak liu,atu hari’i governu foun.

Iha kampaña legislatif, dirigentes partidus politíku sira koalia kona-ba sira nia programa ka estratejia politíku bá povu, maske oituan de’it maka partisipa ka koalia kona-ba oinsa konseitu dezenvolvimentu akolozika sustentavel. Dirijentes partidus balun koalia duni, maibe ho interpretasaun ne’ebé ladun los kona-ba dezenvolvimentu ambiental.

Haré ba realidade ida ne’e, haburas fundasaun, nu’udar NGO ne’ebé bele haknar ba serbisu ambiental hakarak fahe ba públika, konseitu polítiku dezenvolvimentu ne’ebé haburas fundasaun haktane no satan. Haburas fundasaun husu ba publik, liu-liu dirigente partidu polítiku sira ne’ebé ka’er ukun atu konsidera iha sira nia programa polítik mak hanesan atu dezenvolvimentu ekolojiku sustentavel (DES)

Dezenvolvimentu ekolojiku sustentavel (DES) ne’e  katak polítika dezenvolvimentu ekolojiku ne’ebé meritus ho prinsipiu konservasaun no jestaun meiu ambiental ne’ebé iha equilibrium entre eksploitasaun rekursus naturais no abilidade natureza hodi resikla ka rejunivia nia-an.

2.2.3.  Agrikultor  Ho Ambiental (Meiu-Ambiante).

Meiu-ambiente di’ak importante ba agrikultor sira tamba ho ambiante ne’ebé di’ak,agrikultor bele halo buat barak atu bele aplika sira nia matenek ne’ebé sira hetan iha banku eskola nian.

Rekursu importante ne’ebé ambiental fó ba agrikultor sira mak hanesan:

§  Rai ne’ebé bokur.

§  Bé

§  Floresta, no seluk tan

Limitadu nune’e sistema agrikultura mekanizasaun instensivu fertelijasaun kimiku, pestissida kimiku, fini husi modifikasaun jenétiku, fini hibridiku iha  pratíku husi rai ki’ik seluk halo agrikultor kiak sira sai kiak nafatin no hasoru ona dezastre ekolojiku barak.

Promove polítika agrikultura no trajetu prinsipal ba halakon no hamosu kampu trabllu liu husi fó subsidi(insentivu) ba to’os nain sira ne’ebé hala’o agrikultor permanente no organiku.

Fó mós subsidiu ba kapasitasaun no tratamentu saúde ba klosan sira ne’ebé servisu hanesan to’os nain no sira ne’ebé remata sira nia eskola no deside sai to’os nain ukun rasik-an.

Dezenvolve ka modifikasaun sistema  edukasaun husi sentru formasaun agrikultura ne’ebé  promove agrikultora organiku.

Dezenvolve mos merkadu ba produtu agrikultura arganiku ne’e iha nivel nasional, regional, no posivel internasional. Hamenus signifikamente produtu agrikultura  husi rai liur ne’ebé agrikultor rai laran sira bele produs ba nesesidade  domestiku nian.

Halo importasaun selektiva de’it ba produtu agrikola  ne’ebé seidauk bele produs lokalmente. Promove prosentazen balun husi fundus petroliu ba dezenvovimentu sektor agrikultura organiku, ba involvimentu feto nia iha ita nia rain rasik, klosan sira iha aktividade agrikultura (nu’udar to’os nian,industria agrikola familiar ka kooperativa). Kriminaliza ema ou entidade sira bele halo aktividade agrikultura ne’ebé polvida ka hali degradasaun ba meiu ambiente ho diak liu tan iha ita nia rain rasik ho diak,ita mos tenke hare’e

didiak nia ba meiu ambiente.

2.2.4   Perigu  No Dezastre Iha Ambiante Ba Saúde.

Akontesimentu ida ne’ebé husi natureza eh ema nia hahalok iha potensai boot atu estraga no halo a’at buat hotu-hotu tuir sira hakarak ne’e mak hanesan:

v  Dezastre.

Akontesimentu ida ne’ebé mosu tamba natureza ka husik rai moris ka ema nia hahalok derente ka nia sei mosu neneik lai mak a foin akontese ba boot.

Ne’ebé estraga ka hala’o a’at buat hotu no mós ba ema nia moris, sasan,bele mós sobu uma sira ne’ebé besik iha area ne’eba,no animal sira mós dadulas. Akontesimentu ida ne’ebé  ema ida labele resolve mesak ho ninia kbi’it no forsa rasik ne’ebé  nia iha ka mesak ho sasan ne’ebé iha ba.

v  Perigu Iha Timor Leste.

Perigu iha timor leste ne’ebé ambiente fó mak hanesan :

a)      Natureza

b)      Transporte

c)      Kimika

d)     Medíku

e)      Agrikultura.

a)      Natureza.

Natureza hanesan mosu iha :

o   Mota boot

o   Rai maran

o   Rai nakdoko

o   Rai monu, no

o   Anin boot

b)     Transporte mak hanesan :

o   Rai

o   Tasi

o   Kalohan “udara”

c)      Kimika mak hanesan :

o   Hafoer tasi

o   Sasan kimika ne’ebé nakfakar

o   Pabrik

d)     Medíku mak hanesan :

o   Epimedia/moras la’o iha area rurais sira

o   Ema moras no mate barak tamba inpaktu negativu husi ambiante

e)      Agrikultor mak hanesan :

o   Ular ki’ik, hama atau penyakit ne’ebé hamate Ai-oan sira

o   Agrikultor sira sei la panen bainhira nia tempu to’o

2.3        DEZENVOLVIMENTU AMBIENTAL BA SAÚDE.

2.3.1    Kombate Lixu.

Besik ona halo tinan rua (2) maka Presidente Repúblika ho Primeiru-Ministru hola inisiativa hodi fó ezemplu no tau iha pratíka,hamos sidade Dili laran. No mós hanaran adjetivu oi-oin ba sidade Dili, liu husi atividade desportivas oi-oin. Nune’e mós foin lalais. Presidente Repúblika José Ramos-Horta kontinua insiste,dala ida tan, iha loron 10 fulan jullu 2010 liu b, atu sidade Dili sai realidade tuir Presidente Repúblika nian dezeju. Dili sai sidade ne’ebé moos, sidade ne’ebé paz, sidade ne’ebé furak no sidade ne’ebé saudável.

Iha pratíka,hamoos Dili laran semana ida dala ida, limpeja jeral, ne’ebé halo iha loron sesta, husi Ministeriu ka instituisois públikas hotu partisipa. Ne’e hatudu katak ulun boot sira prekupadu ho kondisoens ijines iha kapital Timor Leste nian.

Prezidenti Repúblika, Primeiru Ministru no Organu soberanu hirak seluk prekupadu ho meius-ambiente no prekupadus ho atitudes sidadaun sira iha Dili laran,ho razaun katak ita seidauk iha siensibilidade(sabar) kona-ba impaktu ne’ebé mai husi ita nian hahalok maibé fó konsikuensia ne’ebé todan ba ita nia-an rasik, agora no meiu ambiente iha futuru oin mai.

Ulun boot sira iha razaun atu prekupadu tanba motivus lima(5) :

1)      Motivu saúde polítika: sidade saudável maka nia ema mós saudável hodi bele hala’o servisu ba dezenvolvimentu nasional ho di’ak.

2)      Motivu dignidade saúde :  Dili kapital RDTL(Repúblika Democrá de Timor Leste), ne’ebé kalan loron diplomtas no mós husi rai seluk-seluk tama-sai. Sidade Dili fo’er ka moos determina ema estranjeiru nia notas(penilaian) ne’ebé fó ho proporsionais tuir realidade oin sa. Se sidade Dili moos maka determina hetan nota nilai di’ak, maibé se sidade  fo’er mak automatikamente hetan nota nilai aat no ema seluk nia imprensaun, katak ema timor la iha outoestima, ka governantes sira investe de’it iha sira nian hatais di’ak maibé ignora aspektu fundamental ba nia moris rasik.

3)      Motivu sosiu-kultura  :  Timor Leste ho nia ema mós moris iha sivikizasaun no modernidade, ne’ebé hatene moris haketak-an husi lixu ka fo’er. Tamba ita moris iha sosiedade antiga ka moris iha pré-istorika ne’ebé sei moris tuir sistema nomoda, moris depende ba meius naturais ka meius ne’ebé natureza fó, la bele moris ketak husi ai-laran, du’ut laran,ka fo’er laran.

4)      Motivu sosiu-ekonomiku : Timor Leste hakarak sai destiñu turismu iha tinan 2020 ba oin, ne’e duni ho ambiente ne’ebé saúdavel, sidade ne’eb’e moos, no mós ninian ema ne’ebé sivilizadu maka bele atrai ema rai seluk mai Timor Leste, ne’ebé mós fó nia efeitu ba ekonomia nasional liu husi reseitas não-petroloferas iha sektor turismu, alein ida ne’e, ambiente ne’ebé di’ak sai faktor konvidativu atu halo investimentu husi kapitais estranjeirus iha Timor Leste.

5)      Dever atu kumpri komprimisu konvensaun internasional kona-ba protesaun meiu ambiente ba saúde.

Ha’u apresia teb-tebes Nai Presidente Repúblika no Nai Primeiru-Ministru nia esforsu boot ne’ebé dala barak ona sira hatudu,to’o sira rasik tun ba dalan, kanu ninin, mota ninin ka tasi ibun hodi hamoos foer no fó motivasaun ba sidadaun sira iha Dili laran atu bele halo tuir ka siesibilizadu ho ezemplus di’ak hirak ne’e. Maibé iha realidade estrateja ida ne’ebé ulun boot nain rua ne’e hatudu seidauk fó nian efeitu ba ema sira nia uma kain hotu-hotu iha Dili laran.

Karik ha’u hakerek kona-ba kestaun ida ne’e ba daruak ona. Ha’u mós sempre akompaña no observa kona-ba limpeza jeral ne’ebé halo iha loron sexta kada semana, katak kada Ministeriu ka repartisions hala’o iha ida-idak nia zona iha primetru ne’ebé determinadu husi guvernu. Ne’e di’ak ona, maibé semana ida dala ida de’it mak ida ne’e mós la fó impaktu ne’ebé boot atu kombate lixuho efikaz no efektivu. Tamba  funsionariu sira halo limpeza iha sexta, alen de la kobre zona hotu iha Dili laran tomak, la partisipativu husi populasaun no liu tiha loron ida, sabádu lixu nakonu fali ona iha dalan hirak iha Dili laran nian ninin-ninin

Ne’e foin iha dalan boot hirak ka estrada hirak iha dili laran nian ninin, ita tama oituan tan ba laran mak ita hasoru populasoins sira  trata  lixu ho atitudes pior liu tan. Sunu lixu indiskriminadamente, ai-han, masa, no sakus plastikus, boraxa roda kareta nian no latas, iha uma le’et hirak ne’e, hodi nune’e ita nota momos katak populasaun sei falta de informasaun no ignorante tebes kona-ba implikasaun ka impaktu negativu ba nia saúde rasik, zonas viziñus no mós sidade Dili nia jeral.

Kona-ba atitude sidadaun sira nian relasiona ho lixu mós nota momos katak sei falta informasaun no mós sosializasaun kona-ba kampaña atu Dili sai furak no saudavel seidauk sufisienti basa, hanesan temi iha leten, iha estradas prinsipais ne’e de’it ita hetan ema so’e masa plastiku bee fatin. Ki’ik to’o boot, lata ki’ik too boot, atu hasuk plastiku ki’ik  to’o boot sakus p;lastik ki’ik to’o boot namkari lemo-lemo iha fatin-fatin. 

Aleinde estrada hirak iha Dili laran nia ninin, mota, kanu, no tasi ibun sai destinu migrasaun lixu nian. Ita hakat oituan sai husi Dili , ba de’it Kristu Rei nia resintu ka zonas Tasi Tolu nian, iha ne’eba mós ita hasoru lixu hirak ne’ebé ha’u temi leten. Ita ba iha  praias hirak ne’ebé bai-bain turista sira ba haris, hanesan iha Hera no Behau, husi do’ok ita nia matan haré masa bee fatin hanesan kampu da transenntasaun boot “populasaun lixu” iha ne’eba. Ita haluha tiha katak matéria plástiku ne ’e matéria ida ne’ebé atu lakon ka transforma ba rai  presiza tinan rihun resin.

Oinsa Timor Leste nia komprimisu kona-ba konvensaun internasional ba protesaun ambiental se la iha polítika ida ne’ebé edukadu atu prevene no kombate lixu no protesaun ambiental ne’ebé edukuadu?

Tuir ha’u nia hanoin, atu prevene no kombate lixu, hadia kualidade moris hodi luta ba ita nia moris naruk no mós promosaun ambiental presiza fó atensaun seriu ba problema ida ne’e.

Ha’u sujere atu iha intervensaun husi Ministeriu Saúde nian, Ministeriu Komersiu Industria E Turismu, Sekretáriu de Estadu Meiu Ambiente ho Funsaun Haburas hodi atua hamutuk.

2.3.2 Meiu Ambiante Ba Saúde.

Timor Leste hanesan parte integrante husi mundu Global ne’e, obviamente la’os de’it sei hasoru maibé hasoru dadaun ona koensikoensia husi problema komum hirak ne’ebé temi ona iha identifikasaun problema. Maski ninia grau ka volume kompleksidade la hanesan husi fator seluk maibé Timor Leste sei afetadu duni husi fator hirak ne’e.

Maioria povu Timor-leste hela iha rurais no sira nia moris dependa barak liu ba atividade agrikultura subsistensia. Sistema lere no sunu rai hodi halo tos sunu rai arbiru de`it,tesi ai horis hodi fa`an  halo rai ne`e sai molik no maran dekor hotu,temperatura manas aumenta,no ikus mai bee mós ne`ebé iha hahu`u maran dadauk ona,no balun tiha ona.tamba ne`e rekursu bee moos  ba nesesidade moris ema nian, animal no ba agrikultor menus ba bebeik. Nune’e mós to’o tempu udan,udan tau iha tempu badak de’it maibé maka’as tebes, halo mota boot inundasaun ne’ebé dala barak halo estragus hanesan rai halai, sobu rai, sobu estrada, sobu natar ka to’os, hamosu dezastre, moras no mate.

Aleide rai halai iha parte distritu balun, iha semana hirak kotuk iha kapital Dili udan boot halo Dili rai sidade ne’ebé furak tebes nakonu tiha ho bee merak,mota tun no konsege hamate ema balun. Bainhira beemerak ne’e maran hamosu fali rai rahun ne’ebé bele kria moras resiptoriu.

Populasaun iha Timor-Leste oras ne’e  tuir dadus ne’ebé iha hatudu komesa liu ona miliaun ida. Tuir predikasaun katak tinan 2030 oin mai populasaun Timor-Leste sei atinji besik miliaun rua. Kresimentu populasaun ne’e maski ladun boot maibé bainhira la balansu ho kriasaun kampu serbisu bele hamosu problema foun ne’ebé sai nu’udar naha todan ba  estadu. Ita rona informasaun balun ne’ebé hateten katak oras ne’e numeru dizempregu to’o 15,000 no maioria  ema foin-sa’e ka joven sira. Ho dezenvolvimentu pakote referendu karik kria kampu serbisu to’o de’it 1000 resin. Ho kresimentu populasaun ne’ebé la kontrola ho diak na la balansu ho kampu serbisu bele kontinua fó presaun ka ameasa makaas ba ambiente hanesan temin iha leten,mosu krime oi-oin, dezarmonizasaun sosial ho hamihis koezaun sosial.

Ambiente importante tebes ba saúde tamba bainhira ambiente di’ak saúde mós di’ak. Ambiente fó buat barak ba saúde mak hanesan:

·         Ar ne’ebé mós

·         Rai bokur

·         Ai-mahon barak

·         No buat seluk-seluk tan.

Tamba ambiente fó buat barak mai ita nia saúde, ne’ebé mai ita hamutuk kuidadu ita nia ambiental.

2.4.     ANALIZA.

Hakerek nain analiza no haklean liu tan iha titulu ne’e hanesan prosesu ida ne’ebé atu deskobre no buka hatene ninia realidade,husi dezenvolvimentu ambiental ba saude. Ne’ebé Timor-oan halo momos iha nia aktividade loron-loron nian no ita haré ho matan rasik katak Timor-oan barak maka sidauk iha koñesementu kona-ba dezenvolvimentu ambiental, ho ida ne’e tuir hakerek nain nia analiza katak dezenvolvimentu ambiental sei la la’o ba oin no sei la iha dezenvolvimentu iha Timor laran tomak. No impaktu negativu ne’ebé ambiental ita tauk sei akontese duni iha ita nia moris loron-loron, ohin no aban bain-rua. No ita sei la adapta ba mundu modernu ne’ebé iha.